Daily Rahbar Updated Latest News
Related Articles
کراچی :سندھ کے وزیرِ تعلیم سعید غنی نے کہا ہے کہ تعلیمی ادارے کھلنے سے کورونا وائرس کا مرض بڑھا تو فیصلہ تبدیل بھی ہو سکتا ہے، ایک ساتھ تمام تعلیمی ادارے کھولنے سے ایس او پیز پر عمل درآمد میں مشکل ہو گی۔یہ بات انہوں نے نجی ٹی وی سے گفتگو کرتے ہوئے کہی۔انہوں نے کہا کہ ایجوکیشن اسٹیئرنگ کمیٹی کی مشاورت سے تمام فیصلے کئے گئے، تعلیمی اداروں میں ایس او پیز پر عمل درآمد کرانے میں مشکلات پیش آ سکتی ہیں۔ان کا کہنا ہے کہ بچوں کی اسکول ٹرانسپورٹ سے متعلق بھی ایس او پیز طے کی گئی ہیں۔ سعید غنی نے مزید کہا کہ پہلے مرحلے میں جائزہ لیں گے کہ چھوٹی کلاسز کھولنی چاہئیں یا نہیں۔ انہوں نے کہا کہ ایک ساتھ تمام تعلیمی ادارے کھولنے سے ایس او پیز پر عمل درآمد میں مشکل ہو گی۔
