Daily Rahbar Updated Latest News
Related Articles
لاہور:گورنر پنجاب چوہدری محمد سرور نے کہا ہے کہ یونیورسٹیز کے معاملات میں التوا کو کسی صورت برداشت نہیں کیا جائے گا۔گورنر پنجاب چوہدری محمد سرور کی زیرِ صدارت گورنر ہائوس لاہور میں اجلاس ہوا جس میں صوبائی وزیر یاسر ہمایوں سمیت دیگر نے شرکت کی
۔دورانِ اجلاس گورنر پنجاب چوہدری محمد سرور نے سرکاری یونیورسٹی کے زیرِ التوا معاملات کا نوٹس لے لیا اور 15ستمبر تک بھرتیوں سمیت تمام معاملات نمٹانے کی ہدایت کی۔وزیرِ ہائر ایجوکیشن یاسر ہمایوں کی سر براہی میں 7 رکنی کمیٹی بھی قائم کی گئی، اس کمیٹی میں پر نسپل سیکریٹری ٹو گورنر پنجاب ڈاکٹر راشد منصور بھی شامل ہوں گے۔محکمہ قانون، محکمہ ہائر ایجوکیشن کے افسران،
وی سی پنجاب یونیورسٹی سمیت دیگر بھی کمیٹی کا حصہ ہوں گے۔گورنر پنجاب چوہدری محمدسرور نے یہ ہدایت بھی کی کہ تمام یونیورسٹیز میں رجسٹرار اور دیگر پوسٹوں پر بھرتیوں کو بھی یقینی بنایا جائے، شفافیت اور میرٹ پر کسی قسم کے سمجھوتے کا سوال ہی پیدا نہیں ہوتا۔
